Paparangalan ng Department of Interior and Local Government (DILG) Region 2 ang apat na lungsod sa Lambak ng Cagayan.
Kabilang ang Cauayan City, City of Ilagan, Tuguegarao City at Santiago City.
May kabuuang 74 o79.57% mula sa 93 Local Government Units (LGUs) sa rehiyon ang pumasa sa Child-Friendly Local Governance Awards (CFLGA) 2024.
Nagpapakita rin ito ng pagtaas ng bilang ng mga pumasa na LGU mula 59 noong 2023 ay 74 nitong nakalipas na taong 2024.
Iginagawad ang CFLGA sa mga LGU na nagpapatupad ng mga programa at serbisyong pang-bata na naglalayong isulong at iangat ang kapakanan ng mga bata.
Gumagamit ito ng mga indicator na sumasaklaw sa pamamahala at sa apat na pangunahing karapatan ng mga bata, katulad ng kaligtasan, pag-unlad, proteksyon at pakikilahok. Ang mga pumasa ay pagkakalooban ng Seal of Child-Friendly Local Governance (SCFLG).#
