CAMP LT. ROSAURO TODA JR., CITY OF ILAGAN, Isabela – Napagtagumpayang mahuli ng mga otoridad ang dalawang lalakeng binansagang High Value Target kagabi, ika-24 ng Mayo, 2024 sa Purok 1, Marabulig 1, Cauayan City, Isabela.
Naaresto sa ikinasang Anti-Illegal Drug buy-bust operation ng mga otoridad sina alyas Kael at alyas Gie kung saan ang mga ito’y nakumpiskahan ng mga sumusunod: isang pirasong genuine Php.1,000.00- peso bill(buy-bust money); Isang pakete ng hinihinalang shabu (buy-bust stuff); dalawang bricks ng dahon ng marijuana na may fruiting tops na nakabalot sa cling wrap (Possession); isang unit na kulay gintong cellphone na OPPO; isang kulay berdeng lighter; at isang kulay itim na Honda Click SMC.
Pagkatapos ng nasabing operasyon, isinagawa naman ang imbentaryo at pagmamarka ng mga nakumpiskang mga ebidensiya sa pinangyarihan ng operasyon sa presensya ng mga suspek na nasaksihan naman ng DOJ Representative, Media Representative from IFM at Brgy. Kagawad ng nasabing lugar.
Ang mga suspek maging ang mga nasamsam ng ebidensya ay dinala sa himpilan ng Cauayan para sa dokumentasyon at pagsasampa ng kaukulang kaso. #
