Nobela ni Vilmer V. Viloria (Nailathala ito sa June 22 – 28, 2024 print edition)
(Umuna a Paset)
IINYILAD ni Tata Bantor iti langkapi iti sirok ti duogan a kaimito kalpasan a nangmalem. Nangtukkol itay ti bulong-niog a kinayasanna tapno adda pangsukit-sukitna kadagiti naiyingat kadagiti addayo a ngipenna. Nalagipna manen ti napasamakda itay ken Barty.
Kasla aglag-lag-oy iti nalamuyot a kama, a nakalugan iti Bangka ken imasenna dagiti allon a mangipangato-mangipababa kenkuana. A mangegna dagiti talpiak ti danum-allon iti sungaban ti Bangka agingga a kasla aguyekuyeken ti makina ti Bangka sa bigla a nagsardeng, pati ti allon nagsardeng metten.
Kasano ngata met ti allon ti bangka ni Misty, nakunana. Kaanokto ngata met a maluganan. Ania ket ngatan…. Hmmm uray pilidannakon ti pison no nakapaklebakton iti bangkana, kunkunana. Ngem adda ngata pammaelko no kayatna pay ti sekon rawnd? Terd rawnd ken port rawnd? Uhu.. masapulko ngata ti magic bukel… agsisimparat dagiti pampanunoten ni Tata Bantor ket di na napuotan a nairidep.
“Thor habulin mo ako… lika…. Lika!!!” ni Misty. Ket nagtarayen iti kadaratan. Naka swimsuit nupay aginnagawen ti sipnget ken lawag sumilap latta gapu ti pudawna. Nagmalmalanga lattan ni Tata Bantor ta sigurado a dina makamatan, inurayna a nagsubli sana ginolpe a ginammatan.
Nagkulibagtong met ni Misty ngem natiliwen ni Tata bantor ti imana. Inguyyodna iti ules nga ap-apda. Naggubalda ngem saan a matiliw ni Tata Bantor dagiti bibigna. “wait lang!” ni Misty. Ket inalalayan ti lakay.
“Pagod ako. Ang daya mo kasi Thor, di mo ako hinabol.” Umanangsab a kuna ni Misty.
“Nirereserba ko yung lakas ko sa laro natin mamaya.” Insungbatna.
Immisem ni met ni Misty, pinallilitanna ti lakay. Sabay immikay idi ammona a tukmaanna manen daytoy.
Lalo a rimmugso ti rikna ni Tata Bantor. Karkaritennak a, kunkunana iti isipna. Gurka man ta istrokak. Pinungananna ti dua nga imana ket naginkikidem.
Idi kuan, madlawnan nga inrakus ni Misty ti imana iti kuppit a barukongna. Nariknana ti bara daytoy. Ket kasla sang-aw ti kaiyyanak ti maangutna. Rumasuk ket rumasuken. Yes! This is it kunana ket nagballikid a nangsango kenkuana.
Sinapul dagiti duoganen a bibigna ti nakalamlamuyot ket nakalablabbaga a bibig ni Misty. Immirut met dagiti arakup daytoy.
Mangrugin nga agdakiwas dagiti imana. Naikkatna aminen dagiti tubeng ket nakasaganan a mangdanon iti langit. Simreken iti ruangan ti paraiso.
Addadan iti asideg ti kangatuan a paset ti langit idi adda mangkalbit kenkuana.
“Tang, agar-areng-engka, ken naiturogmo pay gayamen ditoy ruar.” Ni Pilo. “Sumrek kayon ket rabiin.”#
