Arestado ang siyam na katao kagabi matapos umanong pagbabarilin at patayin ang dalawang katao sa Barangay Villa Norte, Maddela, Quirino Province ng alas-12:30 ng madaling araw kahapon, Disyembre 24, 2024.
Iniulat ni Quirino police director Police Colonel Paul Gamido na binaril at napatay ng mga salarin si Crisel Cayong, 26-anyos, at EJay Rodriguez, 19-anyos, sa Barangay Divisoria Sur sa bayan ng Maddela.
Sugatan din sa pamamaril sina Kesha, 19; June Dave, 26; Edward, 26; at Mike, 23, pawang mga residente rin ng bayan ng Maddela.
Pinagbabaril ang mga biktima sa harap ng isang restobar.
Ang mga naarestong suspek ay kinilala lamang sa kanilang mga alyas o unang pangalan na sina John, Fred, Allen, at Manong, pawang mga taga Itogon, Benguet; Sina Roel, Mike, Johnny, at Rey, lahat ng Maddela, Quirino, at Freddie ng Tinoc, Ifugao.
Ang isang Manny, 23, ng Banaue, Ifugao ay kinilala rin bilang isang gunman at nanatiling nakalaya.
Inihahanda na ang double murder charges laban sa mga pinaghihinalaang killer, na inilagay sa ilalim ng pansamantalang pag-iingat ng pulisya.
Inaalam pa ang motibo ng pagpatay.
Hindi pa nagpaunlak ng panayam ang kapulisan at ang mga suspek at kaanak ng mga biktima.#
