Ulat ng BH Team
Nagsagawa ang SSS Ilagan Branch ng Run After Contribution Evaders o RACE nitong Ika-27 ng Hunyo 2025 ng pagbisita sa sampung mga employers, siyam rito ay delinquent employers habang isa naman ang binigyan ng sulat-papuri sa Lungsod ng Ilagan.
Ayon kay SSS Ilagan Branch Manager Jesus Gonzales, umabot sa P282,564 ang delinquency ng mga binisita habang ang isa naman na di na inantay ang pagbisita at pamimigay ng sulat ay nabigyan ng papuri na sertipiko.
Maliban sa mga non-payment ng contributions sa mga delingkwente, dalawa naman ang hindi rehistrado sa tanggapan ng SSS sa siyudad.
Ayon pa kay Gonzales, layon ng RACE na mahikayat at mabigyan ng pabatid ang mga delingkwenteng mga employer.
Ito raw ay upang mabayaran ang mga SSS contributions ng kanilang empleyado para din sa kapakanan ng kanilang mga kawani at maka-avail ng mga benepisyo at kapakinabangan na nararapat para sa kanila.
Tuloy-tuloy raw ang RACE operations sa iba pang hurisdiksyon ng SSS bibisitahin ang makikitang mga employers na hindi regular na nagbabayad ng SSS contributions ng kanilang mga empleyado.#
Isinasagawa ng Social Security System-Ilagan ang pamimigay ng huling sulat sa mga delingkwenteng mga employer sa Lungsod ng Ilagan, Hunyo 27.(Larawang kuha ni Eunyll Garduque)
