Binuksan na ng Sangguniang Kabataan ng Annafunan East sa Tuguegarao city, Cagayan ang Barangay Recreational Park nito para sa mga mag-aaral na may online classes.
Ayon kay SK Chairperson Gerald Valdez, ang nasabing parke ay may libreng access sa internet na maaaring gamitin ng mga mag-aaral sa kanilang barangay para sa kanilang mga online class.
Pinapaalalahanan naman ni Valdez na obserbahan lamang ang mga minimum health protocols.
Ang nasabing proyekto ay bahagi ng Libreng ORAS o Online Research Access for Students ng SK.
(Larawan mula kay Gerald Valdez)
